كيف نستيقظ لصلاة الظهر

الصلاة الظهرعندما تمشي في شوارع مدينة حلب الساعة الحادية عشر صباحاً وتشعر انك في قرية خلت عليها الدهور، وأفرغتها من بشرها، كبطيخة  نزعت بذورها، لا تستغرب فأنت في اقدم مدينة مأهولة في التاريخ، التأهل من أهلَ وأهلَ من أهلي والأهلي لم يأخذ الدوري السنة في سوريا، لا تستغرب لأنك لن تجد سوى بعض بائعي (السُحلب) (مشروب الطاقة السحري عند الحلبيين) ستجد كل درابيات وواجهات المحال مسدلة كأنما هي تنابلُ السلطان عبدالحميد معلنة ان لا سبيل في هذه المدينة للبقاء سوا النوم، لا تستغرب عندما ترى مدينتنا لا يمشي فيها احد في الصباح سوى القطط، ان حاولت الاستيقاظ باكرا، ستسمع قوانبين البلدة تطلق عليك لقب (لم الاستيقاظ قبل الدجاج) (مستيقظ قبل الشحادة وبنتها)surprised

 

عندما تحاول ان تغير نفسك أولاً وتبدأ من أهل بيتك، ستضطر بعد اسبوع عن العدول عما عزمت فعله، لأنك ستقول في نفسك (ضع نفسك بين الروس وقل يا قطاع الروس)، بورك لأمتي في بكورها،لم يقل عليه الصلاة والسلام في ظهورها، مع مجيء الصيف كل حلب لن يطفئ لها مصباح حتى تشرق شمس الصباح، تبقى ساهرة حتى تمل النجوم من السهر تبقى متيقظة (تلعب الورق) حتى يعلن الورق انهزامه، وددت لو تستيقظ مدينتي بعد صلاة الصبح، يا أخي الساعة السابعة موافق الثامنة أمري لله، لكن للثانية عشر ظهرا حتى نتحرك كأموات بني تافلوت (اعجبتني تافلوت)wink ، هي متنفس فقط كي اعبر عن سخطي عن هذه الحالة، سئمت الاستيقاظ باكراً وانتظار الأمة تفيق وتصحوsad ، حتى الديوك في أكواخنا، تنابل كلنا و كلنا تنابل، وملئا السنابل تفيق بكيرً والشامخات نائمات تُنفسُsleeping . كل فكرة تدوينية في فكري اقول في نفسي ابتعد يا عبود عن التشاؤم والنقد وخلي الفرح سيد الموقف، لكن شكلها الحالة صار بدها مقت، يجب ان نحافظ على التوازناتsideways

Advertisements

14 تعليقات على “كيف نستيقظ لصلاة الظهر

  1. هلا خيي عبود.

    الصلاة بشكل عام هي التزام, نظام, جدول مواعيد, مواظبة واستمرار. من يقدر على التزامها في وقتها فهو برأيي شخص منظم ومتحكم بنفسه وطريقة ادارة حياته ومايريد ومايكره. أما الباقي وللأسف أنا منهم فلدينا ضعف غريب عجيب مهين مقيت في حياتنا وجزء منها الصلاة.

    شكراً صطيفوا.

  2. اي والله هي احدى مشكلاتي بحلب ، يعني اذا فكرت تطلع الصبح تشرب فنجان قهوتك بشي محل مابتلاقي ولا محل فاتح قبل ال12
    اذا فكرت تنزل ع السوق مابتلاقي محل فتح قبل ال12
    لك حتى اذا كنت مريض و عم بتنازع بساعاتك الاخيرة مابتلاقي دكتور بيشرف على عيادته قبل ال12 في احسن الحالات
    وبنفس الوقت النشاطات و الزيارات و الروحات كلها بتبدا بعد العشرة بالليل ! يعني وقت نومتي بالايام العادية ، أول فترة كتير بيتخربط نظامي بس بعدين بتنفسد اخلاقي و بنافس بالسهر و بالفيقة المتأخرة بس مع هيك بكون أول المستيقظين ببنايتنا على أقل تقدير يعني اكتر من التسعة ما بتمط معي في أسوأ الأحوال .
    بدنا نعمل حملة استيقظوا يا اهل حلب بما انو موسم حملات 🙂

  3. مديــنـة كسولـة

    بتنـزل الصبـح ما بتلاقي حدا صاحي – مجبراً – غـيـر الموظفـين الرايحين على أشغالهم ، أو كبارية السن المتعودين عالنومـة بكيـر .. لا ولما بتسمع الحكي بيقلك الشعب ما عم نشتغل شي لأنو عم يخلونـا نسكر محلاتنـا بكـير .. طيب افتح بكيـر ياخي بدل السبع ساعات تريكس اليومية !!

    مرة واحد من الأصدقاء الشوام نزل على حلب ليخلص شغل له ، خبرني الساعة 9 الصبـح
    قلي أنا خالص شغلي .. ويـن بدك تاخدنـا ؟ قلتله ما عندك حل غيـر عند شي فوّال أو مدرسة .. غيـر هيك مافي 🙂
    على أساس المحافظ عمل حملة وافتحوا الصبح بكيـر ومن هالحكي ، وعبث !! خلص مافي فيقة قبل الـ 12 يعني مافي فيقة .

  4. هو فقط تعود على الكسل ! 🙂
    خلاص نوكلك يا طبوش تصحينا كل يوم الفجر بس بدون ازعاج 🙂

    اخيرا يا غالى جئت للوردبريس وفتحت مدونه شخصيه اتمنى منك زيارتها 🙂

  5. لك يا حجي تروك هالشعب ينااااام حتى على النوم لحقتونا ولك اش نعمل تركت كل شي بالهبلد وجيت تمقت بالنوم خلينا ننام وخلينا نسهر وشوي تاني بدي اسكر
    بس بتعرف معك حق بكرا بدي افيق الساعة 10

  6. يعني هي حلب بالاخير تحولت لمدينة ليلية , يمكن ساعد هالشي الطقس الجاف و الشوب المو طبيعي الصبح بالإضافة للطقس الحلو مع نسمات الهوا الحلوة بالليل

  7. معقولة انسينا صلاة الفجر وصرنا نفكر كيف نصلي الظهر !!!!!!!!!!!!!!!!!!!!!!!!!!!!!!!!!!!!!!!!

  8. والله يا عبود مو بس بحلب هالظاهرة هي كمان بالشام انا يوم انزل اجازة (انا بشتغل برا البلد) بقوم بفيق متل مالي مبرمج عال7ونص او 8ونص على الاكتر بحس حالي بقارة اطلنتس المفقودة الله وكيلك الله يرحم لما كنت اشتغل بالشام من شي 15 سنة كان معلمي يقول اللي بدو يجي عالمحل الساعة 7ونص لا ينزل من الميكرو خليه راجع على بيتو شعب تعود عالتنبلة لا وشو بيقلولك مافي شغل مافي مصاريعوووووووووووووجة

  9. زرت حلب قبل سنوات وبقيت فيها اسبوعين تقريباً وفعلاً رايت هذا

    كنت استيقظ صباحاً اول الايام حتى ازور اسواقها ومعالمها الأثرية لكني كنت اجد نفسي وأهلي فقط من يمشي في الطرقات …
    حتى ادمنا نوم الظهيرة وسهر الليل كي نستطيع ان نرى بشراً يمشي في الشوارع مثلنا !!!!

    لكنها مدينة رائعة بأهلها ومبانيها وتاريخها

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s